ABBAS, vel Monachus ab ipso deputatus, cum stola albi coloris super Cucullam, stans ad altare sancti Benedicti (si sit) in cornu Epistolae, facie versa ad populum, dicit quae sequuntur super Fratrem (vel Sororem) genuflexum in ultimo gradu altaris:
Facto signo crucis, dicit:
V/. Domine, labia mea aperies,
R/. Et os meum annuntiabit laudem tuam.
V/. Deus, in adjutorium meum intende
R/. Domine, ad adjuvandum me festina.
Gloria Patri.
Sicut erat.
PSALMUS LXVI.
Deus misereatur nostri, et benedicat nobis * ilhiminet vultum suum super nos, et misereatur nostri.
Ut cognoscamus in terra viam tuam : * in omnibus gentibus salutare tuum.
Confiteantur tibi populi, Deus: * confiteantur tibi populi ornnes.
Laetentur et exsultent gentes: * quoniam judicas populos in aeuitate, et gentes in terra dirigis.
Confiteantur tibi populi, Deus, confiteantur tibi populi omnes: * terra dedit fructum suum.
Benedicat nos Deus, Deus noster, benedicat nos Deus: * et metuant eum omnes fines terrae.
Gloria Patri.
Kyrie eleison. Christe eleison. Kyrie eleison.
Pater noster, secreto.
V/. Et ne nos inducas in tentationem.
R/. Sed libera nos a malo.
V/. Salvum (salvam) fac servum tuum (ancillam tuam),.
R/. Deus meus, sperantem in te.
V/. Esto ei, Domine, turris fortitudinis,
R/. A facie inimici.
V/. Nihil proficiat inimicus in eo (ea).
R/. Et filius iniquitatis non apponat nocere ei.
V/. Mitte ei, Domine, auxilium de sancto.
R/. Et de Sion tuere eum (eam).
V/. Domine, exaudi orationem meam.
R/. Et clamor meus ad te veniat.
V/. Dominus vobiscum,
/R. Et cum spiritu tuo.
OREMUS.
Protege, Domine, hunc famulum tuum (hanc famulam tuam), et dona gratiae tuae in eo (ea) multiplica, ut ab omnibus liberetur offensis, et in sancta conservatione tibi placeat. Per Dominum.
Postea Fratre vel Sorore habitum in manibus tenente, Celebrans dicit:
OREMUS.
Domine, Deus virtutum, bonorum dator et omnium benedictionum largus infusor, te humilibus precibus deprecamur, ut has vestes bene + dicere digneris quas famulus tuus (famula tua), pro indicio agnoscendae Religionis, induere voluit, ut inter filios et filias sancti Patris nostri Benedicti tibi dignoscatur dicatus (dicata). Per Christum Dominum nostrum. R/. Amen.
Deinde aspergit aqua benedicta habitum, quem statim imponit Oblato vel Oblatae, dicens:
Induat te Dominus novum hominem, qui secundum Deum creatus est in justitia, et sanctitate veritatis.
Postea, manibus junctis, ter dicat Oblatus vel Oblata:
Suscipe me, Domine, secundum eloquium tuum et vivam; et non confundas me ab exspectatione mea.
Et in fine:
Gloria Patri. Sicut erat.
Deinde Abbas, aut Monachus delegatus dicit:
V/. Salvum fac servum tuum (ancillam tuam),
R/. Deus meus, sperantem in te.
V/. Mitte ei, Domine, auxilium de sancto.
R/. Et de Sion tuere eum (eam).
V/. Domine, exaudi orationem meam.
R/. Et clamor meus ad te veniat.
V/. Dominus vobiscum.
R/. Et cum spiritu tuo.
OREMUS.
Inclina, Domine, aurem tuam ad preces nostras, et respicere dignare hunc famulum tuum (hanc famulam tuam), qui (quae) hodie in orationibus nostris se commendat; et sicut liberasti Petrum de vinculis, et Paulum de mari, et tres pueros de camino ignis ardentis, et beatissimum Benedictum ab insidiis diaboli; ita illum (illam) a mundi illecebris absolvere, et Spiritu fortitudinis digneris confirmare, ut sanctorum tuorum vestigiis insistens, ad aeternitatis praemium securus (secura) perveniat. Per Dominum.
Moxque subjungit:
Nos Abbas N. (vel Nos auctoritate nobis concessa a Reverendissimo Abbate Sancti Petri de Solesmis) Congregationis Gallicae Ordinis sancti Benedicti, Cassinensi affiliatae, per merita ejusdem sancti Patriarchae Benedicti, sanctae virginis Scholasticae, sororis ejus, sanctorum Placidi martyris et Mauri abbatis, atque seriphicae virginis Gertriuis et aliorum Sanctorum Sanctarumque Ordinis nostri, suscipimus te in societatem et fraternitatem nostram, et in participationem omnium bonorum operum quae in congregatione Gallica ordinis Sancti Benedicti, Spiritu Sancto adjuvante, peraguntur. Suscipiat te Deus in numerum electorum suorum, donet tibi usque in finem perseverantiam, ab inimicis insidiis te protegat, atque ad regnum perducat aeternum. Qui vivit et regnat in saecula saeculorum. R/. Amen.